أحب الصمت وجنونه..
وصمت الصمت وسكونه..
وهذي فلسفة حبي..وذا قلبي
أخاف أشكي .. وأسبب جرح
أخاف أشكي .. وأكدر فرح
أخاف أشرح .. ولا أوفي
ويضيع الحب .. ويضيع الشرح
حروفي قاصره جدآ
وأنا قاصره بفن الطرح والإلقاء
أجر المبتدأ..
وأنصب وأضم الياء
أنا خريجة كلية أصول الحب
أعرف الجرح من نظره..
وأعرف الطب..
ولكن علتي التعبير
أحس أني صغيره بالتعبير ..
والتفسير .. والتصوير .. والتخدير
وأحس أن الحروف أقزام..
أمام الشوق والإلهام
وأشوف إن الكلام يضيع..
مثل ذره بكون وسيع
إذا ماشفت محبوبي..
بعد عمري .. بعد قلبي .. بعد شوفي
ترى في الصمت آلاف اللغات تعيش ..
وبوسط اللغات ..
حروف تطير بلا جناح..تغرد والنظر يسمع..
تقول لين الفجر يطلع
بلا تمثيل .. وبلا تضليل
تترجم حالة الإحساس..
بلا إحساس..
تغني أنت أعز الناس ..
وأحب الناس .. وأغلى الناس ..
حديث الصمت ..
يازينه حديث الصمت
بين عيوني وعيونك..
وبين فتوني وفتونك
يخلي نبضك الولهان..
يسافر في شراييني
ويخلي قلبك الشفقان..
بلا صوت يناديني
حديث الصمت .. به تعلمت
أنا شلون أعد مساحات العمر كله
وأسابق مستوى التفكير وأشله
وأفكك لغزك المدفون وأحله
لجل حبك أنا نجم غدا ساطع
وفي حبك بتمرد على الواقع
بكتب ألف قاموس ..
يضم أول حروف اسمك
وبضع ألف ناقوس ..
يدق آخر حروف اسمك
ترى علمي وكل العلم ..
قطره من بحر علمك
وترى عدلي وكل العدل ..
ثواني من زمن ظلمك
أنا ماأقول أحبك..
قديمـــــــه قولة أحبك..
يتيمـــــــه قولة أحبك
عقيمـــــه قولة أحبك
سخيفــه مالها معنى ولا مضمون
سخيفه مثل شمعه بشمس الكون
تعديت الهوى والحب......
أنا في مرحلة حب
تفوق الحــــــب
تفوق الوصف والتوصيف....والتخريف
أنا حبي تعدى الحد
أنا جمرهـ .... بعز الصيف ماتت
موضوع: صمتي...الى متى؟؟!! 
الثلاثاء أبريل 29, 2008 2:38 am
