إلــى متـى؟!؟

موضوع: إلــى متـى؟!؟ الخميس يناير 15, 2009 2:08 am

تعبت أكذب على نفسي وأمني خاطري بلقياك

وأقول انك على عهدي وميثاق الهوى باقي

تعبت أمشي ورى حلمٍ خذلني يا الغلا وياك

أنا وشلون باطوي البعد وانت تنشد فراقي

تمنيتك تجي تاخذ بقايا طيف من ذكراك

يناوش فكري الساهي وينبش داخل أعماقي

رحلت ولا تركت اللي يهوّن غيبتك وفرقاك

خذاك البعد عن عيني وكلك ساكن احداقي

نثرت حروف من شعري تنادي لك هنا وهناك

عسى يالغلا تقراها وتشفي جرح دفّاقي

كتبت ولا دريت ان الزمن عن حبنا الهاك

غريبة شلون هالدنيا قوَت تنسيك تشتاقِ

قصيدي بالوله والشوق يرسم لهفتي للقياك

عساها وين ما حلّت تعانق ذوقك الراقي

سنين تمر من عمري وانا مالي سوى رجواك

تعال احضن بقايا العمر ياعمري الذي باقي

تعبت أكذب على نفسي وامني خاطري بلقياك

واقول الحلم يتحقق تجي وتحرر وثاقي